VOLVEMOS O 15 DE SETEMBRO

 Atención! volvemos a clase a partir do 15 de setembro.

 Vai reservando o teu horario preferido:

Martes pola tarde; con Patricia Saavedra "Debuxo manga" de cinco a seis e media e para adultos "Modelado en arxila" de sete a nove. Abaixo máis info.

 

Mércores de 11:00 a 13:00 horas "Debuxo e pintura" (óleo, acrílico, carboncillo, lápis, collage, acuarela,...)  para adultos. 

Mércores de 17:00 a 19:00 horas "Debuxo e pintura con Polo ", para adultos. 

Xoves de 16:00 a 18:00 e, grupo de 18:00 a 20:00 horas  "Debuxo e pintura con Polo " para adultos. 

Venres pola tarde Pequeartistas con Julia Aguiar, de cinco anos en diante. 

Sábado pola mañá, todas as idades. 

En outubro dará comezo o Laboratoria, pero xa estamos quedando de maneira individual para conversar e ver que intereses nos moven para deseñar unha viaxe creativa de primeira. Contacta con Polo canto antes e vai reservando a túa cita. 

 

Toda a información que necesites chamando/ wasap ao Tlf. 617 293 024 ou no correo  polotallerdepolo@gmail.com. 

 

  

MOSTRA DE LABORATORIA 2026

O sábado 13 de xuño, ás sete da tarde, inauguramos a última exposición de Laboratoria; un grupo de creadoras que compartimos procesos de creación individuais e colectivos acompañándonos unhas as outras mentres xeramos un espazo seguro e libre. Aberta ata o día 27 de Xuño. 

 

 Obras e procesos de creación de Barbeito, Lore, Polo, Roma Pernas, Salicornia, Sira Lorenzo, Vann e Violeta González Otero. 

A sala de exposicións Estudio de María José Barbeito acolle esta mostra de arte multidisciplinar con obra fotográfica, pictórica, performativa e conceptual. A recoñecida artista Barbeito participa tamén con obra propia abrindo o seu taller coa intención de dinamizar a vida cultural da vila de Betanzos na que comparte a súa mestría co pincel ofrecendo clases a persoas de todas as idades.

  

 

 

 

 

A Mostra Laboratoria recolle obras realizadas no último ano e que teñen en común a revisión de estereotipos e construcións ligadas ao xénero, tamén nos ofrece información acerca dos procesos de creación das participantes; Lore, Roma Pernas, Salicornia, Sira Lorenzo, Vann e Violeta Gonzalez Otero.

Na mostra abórdanse temas de actualidade como as relacións de coidados na medicina actual, os medos e baleiros que xera a sociedade que transitamos ou a defensa da natureza. A exposición permanecerá aberta durante o mes de xuño e, poden solicitarse visitas guiadas poñéndose en contacto co Estudio de MJ Barbeito ou a través do tallerdepolo.