Últimos talleres de colaxe e atención a Xullo!

 

Deixamos atrás un lote de talleres de colaxe; Colaxe Violeta, Colaxe da natureza, Crear con colaxe e “Descubrindo a moda a través da pintura”. O colaxe permite achegarnos a un tema e deconstruílo, desmontalo, empregando imaxes ou elementos que queiramos incorporar, para despois xogar con eles e ir construíndo algo novo. 

  Esta primavera estiven no espazo xuvenil O Remanso, empregando o violeta como símbolo dunha mirada feminista ás imaxes. Tamén nun espazo xuvenil como é Nocturnia, fixemos colaxe mesturando elementos da natureza, en principio sen máis pretensión que buscar a estética. E, en Crear con colaxe coñecemos artistas colaxistas e achegámonos a creación a partir de frases moi abertas que nos serviron de inspiración.

Na biblioteca do Forum tivemos unha marabillosa xornada de mestura de arte e moda, na que empregamos o colaxe para coñecer a pintura de séculos pasados e, como esta documenta a moda e hábitos dun mundo sen fotografía.

En xullo ofrézoche dous días para achegarte ao colaxe, podes vir un só día ou os dous se che encanta a idea. Actividade divertida e formadora, podes vir tanto se nunca fixeches colaxe como se xa es unha experta.

1. Onde? No tallerdepolo ( Monte das Moas 17-baixo, Os Castros)

2. Cando? Os martes 15 e 22 de xullo, de cinco a sete.

3. Prezo: Dúas sesións 50 euros, unha sesión 30 euros. Materiais incluídos.

4. O alumnado do tallerdepolo matriculado no curso 2025-26 ten un vale gratuíto para unha das sesións. Ollo que xa temos Reservas de praza no tallerdepolo! 

   Dirixido a persoas maiores de 10 anos.
   

 

 

XULLO NO TALLERDEPOLO

 Xa estamos na recta final do curso. E, aínda que quedan actividades e talleres por diante, xa quero deixarte por aquí os horarios para o próximo mes de xullo. 

Lembra que xa está aberto o prazo para reservar o teu lugar nas clases do vindeiro curso e, se pagas a matricula (20euros) antes de final de xuño, ademáis do desconto na tua mensualidade tes de agasallo un día de taller de colaxe en xullo. 

A información para o vindeiro curso podes vela na pestana PROXIMO CURSO ademáis  no tlf. 617 293 024 estou dispoñible para resolver as dúbidas que teñas ao respecto.