En marzo podar e sachar...

En marzo podar e sachar... se queres logo colleitar

  

Ás veces a melancolía nos pode e, aínda que sabemos que temos que podar e sachar, as forzas chegan escasas e hai que rexelas para chegar ó remate do día... hai que darlle cabida a todos estes sentimentos que nos enchen e nos definen; relaxar o ritmo para ir sachando e podando amodiño... 

 

tamén, as veces, nos aprema a ansia de facer e de acadar obxectivos; e pensamos que todo e todas as persoas que nos rodean teñen que camiñar ó noso ritmo... entón sería bo parar e mirar dende outra perspectiva...

 

e estos distintos sentires aparecen cada semana nas clases: están en min, están no ambiente, algún día nun-nunha alumnx e outros noutra... e neso estou aprendendo a recoñecelos e aproveitalos no camiñar...

comparto con vos parte da miña saudade nestas fotos da findesemana e logo veñen algúns traballos feitos recentemente no taller, de persoas con ritmos propios, ós que hai que escoitar atentamente... 

 máis aqui 
https://www.flickr.com/photos/103131093@N02/sets/72157643133715983/

 
ritmos de lino, victoria, concha e clara ...

 Este mes de marzo fixemos dúas sesións de posado con modelo e, se é posible, faremos outras dúas sesións en abril; sábados 12 e 26. Se pensas vir manda recado por se houbera cambios...

e unha recomendación; leva sempre ferramentas de debuxo a man: calquera espazo é bo para poñerse mans á obra!!!